ആ ഗുൽമോഹർ ഇപ്പോഴും എനിക്കായി പൂക്കുന്നു

ചില പ്രണയങ്ങൾ അവസാനിക്കുന്നില്ല.
അവ സമയം കൊണ്ട് മറയുന്നുമില്ല.
അവ ഓർമ്മകളായി ജീവിക്കുന്നു.
ഗുല്മോഹർ പൂത്തുനിൽക്കുന്ന ഒരു ഇടവഴിയിൽ ആരംഭിച്ച ഒരു കൗമാരപ്രണയം.
കാലം അവരെ വേർപെടുത്തി. തെറ്റിദ്ധാരണകൾ അവരെ അകറ്റി. വർഷങ്ങൾക്കുശേഷം, ചില കത്തുകൾ ഗീതയുടെ ജീവിതത്തെ വീണ്ടും മാറ്റിമറിക്കുന്നു. ഒരിക്കൽ നഷ്ടപ്പെട്ടുവെന്ന് കരുതിയ സ്നേഹം യഥാർത്ഥത്തിൽ ഒരിക്കലും നഷ്ടപ്പെട്ടിരുന്നില്ലെന്ന് അവൾ തിരിച്ചറിയുന്നു.
പക്ഷേ ചില സത്യങ്ങൾ തിരിച്ചറിയുമ്പോഴേക്കും സമയം വളരെ മുന്നോട്ട് പോയിരിക്കും.
ഓർമ്മകളും കാത്തിരിപ്പും പശ്ചാത്താപവും പറയാതെ ബാക്കിയായ പ്രണയവും ചേർന്നൊരു ഹൃദയസ്പർശിയായ യാത്രയാണ് “അതെ, ഗുല്മോഹർ ഇപ്പോഴും എനിക്കായി പൂക്കുന്നു.”
ഓരോ വായനക്കാരന്റെയും മനസ്സിൽ ഒരിക്കൽ എങ്കിലും പൂത്തിരുന്ന ഒരു ഗുൽമോഹറിനെ ഈ കഥ വീണ്ടും ഓർമ്മിപ്പിക്കും.